Regular customer போல் நடித்து டீ கடை உரிமையாளரின் பைக்கை திருடி சென்ற தம்பதி

தாம்பரம் அடுத்த பீர்க்கன்காரணை பகுதியில் டீக்கடை உரிமையாளரை ஏமாற்றிய தம்பதி, அவரது இருசக்கர வாகனத்தை திருடிச் சென்றுள்ளனர். 

கடந்த ஒரு வாரமாக இந்த தம்பதியினர் கடைக்கு வழக்கமாக வந்து டீ குடித்து சென்றுள்ளனர். இந்நிலையில், ஒரு நாள் அந்த கணவர் டீக்கடை உரிமையாளரிடம் தனது மனைவிக்கு காலில் அடிபட்டு இருப்பதாக கூறி இரு சக்கர வாகனத்தை வாங்கிச் சென்றுள்ளார்.  ஒரு வார காலமாக டீக்கடைக்கு தினந்தோறும் இவர்கள் வருவதால் இதை நம்பிய உரிமையாளர் இருசக்கர வாகனத்தை கொடுத்து அனுப்பி உள்ளனர். மனைவியை இரு சக்கர வாகனத்தில் ஏற்றி கொண்டு  சென்றவர் ஒரு மணி நேரமாக வராத காரணத்தால்  டீக்கடை உரிமையாளர் ஏமாற்றமடைந்தார். இதையடுத்து அவர் அருகே உள்ள  பீர்க்கண்காரணை காவல் நிலையத்தில் புகார் அளித்து உள்ளார்.