பள்ளி மாணவிகளுக்கு பாலியல் தொல்லை - தலைமை ஆசிரியர் தலைமறைவு

நெல்லை மாவட்டம் திசையன்விளையில் அரசு உதவி பெறும் தனியார் மேல்நிலைப்பள்ளியில் ஏராளமான மாணவ, மாணவிகள் படித்து வருகின்றனர். இதில் ப்ளஸ் 2 படிக்கும் மாணவிகளுக்கு சிறப்பு வகுப்புகள் நடப்பதாக கூறிய பள்ளியின் தலைமை ஆசிரியர் கிறிஸ்டோபர் ஜெபக்குமார், பாலியல் ரீதியாக மாணவிகளிடம் பேசியதாக தெரிகிறது. இதுகுறித்து மாணவிகள் தங்கள் பெற்றோரிடம் தெரிவிக்கவே, பிரச்சினை காவல் நிலையம் வரை சென்றது. மேலும் பெற்றோரும் போராட்டத்தில் ஈடுபட்டதை தொடர்ந்து தலைமை ஆசிரியர் பணியிடை நீக்கம் செய்யப்பட்டார். தலைமறைவான அவரை போலீசார் தேடி வருகின்றனர்.