பேக்கரியில் குடிபோதையில் ரகளை _ ஊழியர்களை தாக்கிய மூவர் கைது

அவிநாசியில், பேக்கரியில் பொருள் வாங்கிவிட்டு மதுபோதையில் ரகளையில் ஈடுபட்ட மூவர் கைது செய்யப்பட்டனர். திருப்பூர் மாவட்டம், அவிநாசி, கைகாட்டிப்புதூரில் உள்ள பேக்கரியில் மூன்று இளைஞர்கள் தின்பண்டங்கள் வாங்கியுள்ளனர்.  வாங்கிய தின்பண்டங்களுக்கு பேக்கரி ஊழியர் பணம் கேட்டுள்ளார். அதற்கு, "உள்ளூர்காரர்களிடமே பணம் கேட்கிறாயா" என்று மதுபோதையில் அவர்கள் ரகளையில் ஈடுபட்டுள்ளனர். மேலும் ஊழியர்களையும் கடுமையாக தாக்கியுள்ளனர். இதுகுறித்து பேக்கரி மேலாளர் கொடுத்த புகாரின் பேரில் மூவர் கைது செய்யப்பட்டனர்.