பிரதான சாலையில் ஏற்பட்ட திடீர் பள்ளம் : தந்தி டிவி செய்தி எதிரொலியால் மூடப்பட்ட பள்ளம்

சிதம்பரத்தில் உள்ள பிரதான சாலையில் ஏற்பட்ட திடீர் பள்ளமானது தந்தி டிவி செய்தி எதிரொலியாக தற்காலிகமாக மூடப்பட்ட நிலையில், பொதுமக்கள் நன்றி தெரிவித்தனர். மன்னார்குடி தெருவில் உள்ள முக்கிய சாலையில், பாதாள சாக்கடை திட்டத்தின் காரணமாக அவ்வப்போது பள்ளம் ஏற்பட்டு வருகின்றது. இதனால் வாகன ஓட்டிகள் அச்சத்துடன் வாகனங்களை இயக்கி வந்த நிலையில், இதுகுறித்து தந்தி டிவி தொலைக்காட்சியில் நேற்று செய்தி ஒளிபரப்பானது. இதையடுத்து நகராட்சி அதிகாரிகள் மண் கொட்டி பள்ளத்தை தற்காலிகமாக மூடியுள்ளது குறிப்பிடத்தக்கது.