இடிக்கப்பட்ட பள்ளி கட்டிடம்.. கோயிலுக்குள் செயல்படும் வகுப்புகள்

தேனி மாவட்டம் ஆண்டிப்பட்டி அருகே, பள்ளி கட்டிடம் இடிக்கப்பட்டதால் கோயிலுக்குள் வகுப்புகள் நடைபெறுகின்றன. திம்மரசநாயக்கனூர் கிராமத்தில் உள்ள நடுநிலைப்பள்ளியில், சேதமடைந்த கட்டிடங்கள் இரண்டு ஆண்டுகளுக்கு முன்பு இடிக்கப்பட்டன. மேலும், பள்ளியில் போதுமான இட வசதி இல்லாததால், அங்குள்ள காளியம்மன் கோயிலுக்குள் வகுப்புகள் நடைபெற்று வருகின்றன. இதனிடையே, பள்ளிக் கட்டிடம் இடித்து இரண்டு ஆண்டுகள் ஆன நிலையில், புதிய கட்டிடத்துக்கான பணி இதுவரை தொடங்கவில்லை என, கூறப்படுகிறது. இதனால், வகுப்பறை கட்டிடம் கட்ட அரசு உடனடியாக நடவடிக்கை எடுக்க வேண்டும் என, அப்பகுதி மக்கள் கோரிக்கை விடுத்துள்ளனர்.