தட்டிக்கேட்ட போலீசிடம் தகராறு - போதையில் ரகளை செய்த அண்ணன், தம்பி

ராமநாதபுரம் மாவட்டம் கமுதி அருகே உள்ள சின்ன உடப்பங்குளம் கிராமத்தைச் சேர்ந்த சகோதரர்களான மனோஜ், வினோத் இருவரும் போதையில், சாலை நடுவே ரகளையில் ஈடுபட்டுள்ளனர். இதுகுறித்த தகவலின் பேரில் சென்ற மண்டலமாணிக்கம் காவல் நிலைய சார்பு ஆய்வாளர் சண்முகவேல், கஞ்சா குடித்துள்ளீர்களா என விசாரித்தார். இதனால், ஆத்திரமடைந்த அந்த இளைஞர்கள், கஞ்சா வைத்திருப்பதாக எப்படி கேட்கலாம் எனக் கூறி, செல்போனை தூக்கி வீசி ரகளை செய்தார். கைகளை மடக்கி பிடிக்க முயன்ற சார்பு ஆய்வாளரை  தள்ளிய அந்த இளைஞர், எங்கு வேண்டுமானாலும் கொண்டுசெல் எனக் கூறியதும், கத்தியுடன் மிரட்டல் விடுத்தார்.  மூதாட்டி ஒருவரும் அவர்களை ஆசுவாசப்படுத்தியபடி இருந்தார். இருவரையும் போலீசார் கைது செய்தனர்.  20ஆம் தேதி  நடந்த இந்தச் சம்பவத்தின் காட்சி, தற்போது வேகமாக பரவி வருகிறது.