அரசுப்பள்ளியில் அடிப்படை வசதிகள் இல்லாததை கண்டித்து மாணவர்கள் சாலை மறியல்

திருநெல்வேலி மாவட்டம் பாளையங்கோட்டை அருகே, அரசுப் பள்ளியில் அடிப்படை வசதிகள் இல்லாததை கண்டித்து, மாணவர்கள் சாலை மறியலில் ஈடுபட்டனர். 

ரெட்டியார்பட்டி கிராமத்தில் உள்ள அரசு மேல்நிலைப்பள்ளியில், கழிப்பறை உள்பட அடிப்படை வசதி இல்லை என, கூறப்படுகிறது. இது குறித்து பள்ளி நிர்வாகத்திடம் புகார் அளித்தும் நடவடிக்கை எடுக்கவில்லை என, தெரிகிறது. இதைக் கண்டித்த மாணவர்கள், ரெட்டியார்பட்டியில் சாலை மறியலில் ஈடுபட்டனர். தகவலறிந்து வந்த போலீசார், மாணவர்களுடன் பேச்சுவார்த்தை நடத்தி மறியலை கைவிடச் செய்தனர்.