கொடநாடு கொலை, கொள்ளை வழக்கு - கனகராஜின் சகோதரர் தனபாலுக்கு போலீஸ் காவல்

கொடநாடு கொலை, கொள்ளை விவகாரம் தொடர்பான விசாரணை பரபரப்பாக நடந்து வரும் நிலையில் கனகராஜின் மரணம் குறித்தும் விசாரணை நடந்து வருகிறது. இதனிடையே கனகராஜின் சகோதரர் தனபால் மற்றும் கனகராஜின் நண்பர் ரமேஷ் ஆகிய 2 பேரை போலீசார் கைது செய்து சிறையில் அடைத்தனர். இதில் தனபாலை காவலில் எடுத்து விசாரிக்க போலீஸ் தரப்பில் அனுமதி கோரப்பட்டது.  இதையடுத்து தனபாலை 5 நாட்கள் காவலில் வைத்து விசாரிக்க மாவட்ட அமர்வு நீதிமன்ற நீதிபதி சஞ்சய் பாபா உத்தரவிட்டார்.