வீடுகளுக்குள் புகுந்து பொருட்கள் திருட்டு - சிசிடிவி காட்சிகள் வெளியீடு

ராஜா அக்ரகாரம் பகுதியில் உள்ள வீடுகளில் இருந்து செல்போன், லேப்டாப் உள்ளிட்ட பொருட்கள் திருடு போவதாக புகார்கள் வந்தன. இதன்பேரில் அங்கிருந்த சிசிடிவி கேமரா பதிவுகளை போலீசார் சோதனை செய்தனர். அப்போது இருசக்கர வாகனத்தில் வரும் 2 பேர் சர்வசாதாரணமாக பொருட்களை திருடிச் செல்வது பதிவாகி இருந்தது. வாடகைக்கு வீடு எடுத்து தங்கியிருப்பவர்களை குறிவைத்து திருட்டில் ஈடுபட்ட அவர்களை போலீசார் தேடி வருகின்றனர்.