இலங்கை சிறையில் தமிழக மீனவர்கள்: மீனவர்களை மீட்க கோரி உறவினர்கள் போராட்டம்

புதுக்கோட்டை மாவட்டம் கோட்டைப்பட்டினத்தைச் சேர்ந்த 3 மீனவர்கள் 2 நாட்களுக்கு முன்பு மீன்பிடிக்க சென்றனர். இலங்கை எல்லையோரம் மீன்பிடித்துக் கொண்டிருந்த மீனவர்களின் படகு மீது இலங்கை கடற்படையின் படகு மோதியதில் மீனவர்களின் படகு உடைந்துள்ளது. அப்போது கடலில் தத்தளித்த மீனவர்களில் சேவியர், சுகந்தன் ஆகியோர் உயிருடன்  மீட்கப்பட்டு சிறையில் அடைக்கப்பட்ட நிலையில் ராஜ்கிரண் என்பவர் சடலமாக மீட்கப்பட்டார். இந்நிலையில், சிறையில் உள்ள மீனவர்களான சேவியர், சுகந்தனையும், உயிரிழந்த மீனவர் ராஜ்கிரனின் உடலையும் மீட்டுத் தரக்கோரி கோட்டைப்பட்டினத்தில் மீனவர்களின் உறவினர்கள் இரண்டாவது நாளாக அடையாள உண்ணாவிரத போராட்டம் நடத்தி வருகின்றனர்.