கனமழையால் இடிந்து விழுந்த வீட்டின் சுவர் - மூதாட்டி பரிதாபமாக உயிரிழப்பு

ஈரோட்டில் கனமழை காரணமாக வீட்டின் சுவர் இடிந்து விழுந்து மூதாட்டி ஒருவர் பரிதாபமாக உயிரிழந்தார். மரப்பாலம் பகுதியில் உள்ள நேதாஜி வீதியை சேர்ந்த ராஜம்மாள் என்ற 75 வயது மூதாட்டி வீட்டில் தூங்கிக் கொண்டிருந்த போது, நள்ளிரவு பெய்த கனமழையால் வீட்டின் மண் சுவர் இடிந்து விழுந்து ராஜம்மாள் சம்பவ இடத்திலேயே உயிரிழந்தார். அவரது மகன் ராமசாமி படுகாயங்களுடன் மருத்துவமனையில் தீவிர சிகிச்சை பிரிவில் அனுமதிக்கப்பட்டுள்ளார். சம்பவ இடத்திற்கு வந்த காவல்துறையினர் தொடர்ந்து விசாரணை மேற்கொண்டு வருகின்றனர்.