காந்தியின் 153-வது பிறந்தநாள் விழா - தமிழக ஆளுநர், முதலமைச்சர் மலர்தூவி மரியாதை

மகாத்மா காந்தியின் 153-வது பிறந்தநாளையொட்டி, சென்னையில் தமிழக ஆளுநர், முதலமைச்சர் மற்றும் அமைச்சர்கள் மரியாதை செலுத்தினர். சென்னை மெரினா கடற்கரை காமராஜர் சாலையில் அமைந்துள்ள காந்தி சிலைக்கு தமிழக அரசு சார்பாக மரியாதை செலுத்தப்பட்டது. காந்தி சிலை முன்பு வைக்கப்பட்ட அவரது உருவப்படத்திற்கு தமிழக ஆளுநர் ஆர்.என்.ரவி, முதலமைச்சர் மு.க.ஸ்டாலின் ஆகியோர் மலர் தூவி மரியாதை செலுத்தினர். அவர்களை தொடர்ந்து சேகர்பாபு, மா.சுப்பிரமணியன் உள்ளிட்ட அமைச்சர்கள், மக்களவை உறுப்பினர் தமிழச்சி தங்கபாண்டியன் ஆகியோரும் மரியாதை செலுத்தினர்.