காட்டுயானை தாக்கியதில் மூதாட்டி உயிரிழப்பு - மாடு மேய்க்க சென்றவர் உடல் நசுங்கி பலி

பழனி அருகே காட்டுயானை தாக்கியதில் மூதாட்டி ஒருவர் தலை நசுங்கி பலியானார். தேக்கந்தோட்டம் தங்கசாமி காரடு பகுதியில்  மரிய பாக்கியம் என்ற மூதாட்டி வழக்கம்போல மாடு மேய்க்க வன பகுதியை ஒட்டியுள்ள மேய்ச்சல் நிலங்களுக்கு சென்றுள்ளார். பல மணி நேரம் ஆகியும் அவர் வீடு திரும்பாததால், மரிய பாக்கியத்தை மக்கள் தேடி வந்தனர். இந்நிலையில், மரிய பாக்கியம் காட்டு யானை தாக்கியதில்  உடல் சிதைந்த நிலையில் இறந்து கிடந்துள்ளார். இது குறித்து தகவலறிந்த போலீசார் மற்றும் வனத்துறையினர், அவரது உடலை மீட்டதுடன், வழக்குப்பதிவு செய்து விசாரணை மேற்கொண்டு வருகின்றனர்.