கூடங்குளத்தில் மேலுமொரு அணுக்கழிவு மையம் - மத்திய அரசின் அனுமதிக்கு சீமான் எதிர்ப்பு

கூடங்குளத்தில் மேலுமொரு அணுக்கழிவு மையம் அமைக்க  கொடுத்துள்ள அனுமதியை மத்திய அரசு திரும்பப் பெற வேண்டும் என்று சீமான் அறிக்கை வெளியிட்டுள்ளார்.அதில், கூடங்குளம் அணுமின் நிலையத்தில் 3வது மற்றும் 4வது அணு உலைகளின் அணுக்கழிவுகளைக் கூடங்குளத்திலேயே சேமித்து வைக்க, இந்திய "அணுவாற்றல் ஒழுங்குமுறை ஆணையம்" அனுமதி வழங்கியுள்ளது அதிர்ச்சி அளிப்பதாகக் கூறியுள்ளார்.கூடங்குளத்தில் அடுத்தடுத்து அணுக்கழிவு மையம் அமைக்கும் முயற்சியை மத்திய அரசு உடனடியாகக் கைவிட வேண்டும் என்றும்,கடந்த ஜூன் மாதம் தொடங்கப்பட்ட 5 மற்றும் 6வது அணு உலை விரிவாக்கக் கட்டுமான பணிகளை உடனடியாக நிறுத்த வேண்டும் என்றும் வலியுறுத்தியுள்ளார். மேலும் திமுக அரசு நாடாளுமன்றத்தில் தமக்குள்ள எண்ணிக்கை பலத்தைப் பயன்படுத்தி, அணு உலையினை நிரந்தரமாக மூட வழிவகைச் செய்ய வேண்டும் என்று சீமான் கேட்டுக் கொண்டுள்ளார்.