7 வயது சிறுமி பாலியல் பலாத்காரம் - 74 வயது முதியவர் போக்சோவில் கைது

தருமபுரி மாவட்டத்தில் உள்ள ஒரு கிராமத்தை சேர்ந்த 7 வயது சிறுமிக்கு திடீரென உடல்நலம் பாதிக்கப்படவே, அவர் உடனடியாக மருத்துவமனையில் அனுமதிக்கப்பட்டார். அப்போது அவரை மருத்துவர்கள் பரிசோதித்த போது அவர் பாலியல் பலாத்காரத்திற்கு ஆளானது தெரியவந்தது. பெற்றோர் வேலைக்கு சென்று வந்த நிலையில் சிறுமி தனியாக இருப்பதை அறிந்த 74 வயதான பச்சையப்பன் சிறுமிக்கு சாக்லேட் வாங்கி கொடுத்து அத்துமீறியுள்ளார். இதை அறிந்த 13 வயதான சிறுவனும் சிறுமியை மிரட்டி பாலியல் பலாத்காரம் செய்ததாக தெரியவந்தது. கடந்த 3 மாதங்களாக இந்த சம்பவம் நடந்தது தெரியவந்ததை தொடர்ந்து 2 பேர் மீதும் வழக்குப்பதிவு செய்யப்பட்டது. இந்த சம்பவத்திற்கு உடந்தையாக இருந்த சிறுமியின் 10 வயது நண்பன் மீதும் போலீசார் வழக்குப்பதிவு செய்து விசாரணை நடத்தி வருகின்றனர். தருமபுரியில் நடந்த இந்த சம்பவம் பெரும் பரபரப்பை ஏற்படுத்தி உள்ளது.