சுடுகாட்டுக்கு செல்லும் பாதை அடைப்பு... பாதையை அடைத்ததால் மோதல்

காஞ்சிபுரம் மாவட்டம் உத்திரமேரூர் அருகே சுடுகாட்டுக்கு செல்லும் பாதையை ஒருவர் அடைத்ததால் மோதல் ஏற்பட்டது. வலத்தோடு கிராமத்தைச் சேர்ந்த தேவராஜ் என்பவர், சுடுகாட்டுக்குச்செல்லும் பாதையை தன்னுடைய இடம் என்று கூறி, பொதுமக்கள் பயன்படுத்திய சாலையை, வேலி வைத்து அடைத்ததாக கூறப்படுகிறது. இந்தநிலையில், முதுமை காரணமாக உயிரிழந்த முதியவர் பெருமாள் என்பவர் உடலை

அந்த வழியாக எடுத்து செல்ல கிராம மக்கள் முயன்றனர். அப்போது இரு தரப்பினரிடையே மோதல் ஏற்பட்டது. தகவலறிந்த உத்தரமேரூர் வட்டாட்சியர் உமா, மற்றும் போலீசார், பேச்சுவார்த்தை நடத்தி, தடுப்பை அகற்றி பிரேதத்தை எடுத்துச் செல்ல வழிவகை செய்தனர்.