விநாயகர் சதுர்த்தி உட்பட மூன்று நாட்கள் தொடர் விடுமுறையொட்டி அணிவகுத்து நிற்கும் வாகனங்கள்

விநாயகர் சதுர்த்தி உட்பட தொடர்ந்து மூன்று நாட்கள் விடுமுறை வருவதால் உளுந்தூர்பேட்டை சுங்கச்சாவடியில் ஆயரக்கணக்கான வாகனங்கள் அணிவகுத்து நிற்கின்றன. நேற்று இரவு முதலே உளுந்தூர்பேட்டை சுங்கச்சாவடி பரபரப்பாக காணப்படுகிறது. மாலை 6 மணி முதல் தற்போது வரை உளுந்தூர்பேட்டை சுங்கச் சாவடி வழியாக 39 ஆயிரத்து 645 வாகனங்கள் தமிழகத்தின் பிற பகுதிக்கு சென்றுள்ளது என்பது குறிப்பிடத்தக்கது. இதனால் உளுந்தூர்பேட்டை சுங்கச்சாவடி பகுதியில் கடும் போக்குவரத்து நெரிசலும் ஏற்பட்டுள்ளது. இந்நிலையில், போக்குவரத்து நெரிசலை சமாளிப்பதற்காக கூடுதல் வழித்தடங்கள் திறக்கப்பட்டுள்ள நிலையிலும் வாகனங்கள் அதிக அளவில்  வந்து கொண்டிருப்பதால் போக்குவரத்தை சரி செய்யும் பணியில் காவலர்கள் ஈடுபட்டு வருகின்றனர்.