பொதுக்குழு வழக்கு - சசிகலா பதில் மனுத்தாக்கல்

சசிகலா தரப்பில் தாக்கல் செய்யப்பட்ட பதில் மனுவில், உச்சநீதிமன்ற உத்தரவின் படி, கட்சியின் பெயர் மற்றும் சின்னம் தொடர்பாக மட்டுமே தேர்தல் ஆணையம் முடிவெடுத்துள்ளதாகவும்,  கட்சியின்  மற்ற விவகாரங்களில் தலையிட முடியாது என தேர்தல் ஆணையம் தெரிவித்துள்ளதாக கூறியுள்ளார்.உரிமையியல்  நீதிமன்றத்தில் நிலுவையில் உள்ள வழக்கையும் தேர்தல் ஆணையம் தனது உத்தரவில் சுட்டிக்காட்டியுள்ளதாகக் கூறிய சசிகலா,தனது வழக்கை நிராகிரிக்க கோரி அதிமுக நிர்வாகிகள் தாக்கல் செய்த மனுவை தள்ளுபடி செய்ய வேண்டும் என கேட்டுக் கொண்டுள்ளார்.இதற்கிடையில், இந்த வழக்கில் இருந்து தினகரன் விலகியுள்ளதால் சசிகலா தரப்பில் திருத்த மனு தாக்கல் செய்யப்பட்டது. இந்த மனுவை தள்ளுபடி செய்ய வேண்டும் என  அதிமுக அமைப்பு செயலாளர் செம்மலை  பதில்மனு தாக்கல் செய்தார்.அதில், சசிகலாவின் திருத்த மனு விசாரணைக்கே உகந்ததல்ல எனவும் விசாரணையை காலம் தாழ்ந்த  வேண்டுமென்ற நோக்கில்  தாக்கல் செய்யப்பட்டுள்ளதால், சசிகலாவின் திருத்த மனுவை அபராதத்துடன் தள்ளுபடி செய்ய வேண்டுமெனவும்  தெரிவிக்கப்பட்டுள்ளது.இந்த வழக்கில் கட்சியின் நிதி விவாகரங்கள் சம்மந்தப்பட்டுள்ளதாலும்,வங்கிகளை எதிர்மனுதாரராக சசிகலா  இணைத்துள்ளதாலும், வங்கி தரப்பை பதில் மனு தாக்கல் செய்ய உத்தரவிட்ட உரிமையியல் நீதிமன்றம், விசாரணையை செப்டம்பர் 6 ம் தேதிக்கு தள்ளிவைத்துள்ளது.