வீட்டு உபயோக சமையல் எரிவாயு சிலிண்டர் விலை உயர்வு

வீட்டு உபயோகத்திற்கான சமையல் எரிவாயு சிலிண்டர் விலை உயர்த்தப்பட்டுள்ளது. எண்ணெய் நிறுவனங்களின் கூட்டமைப்பு, 

மாதம் ஒரு முறை சிலிண்டர் விலையை மாற்றி அமைத்து வருகிறது. அதன்படி, ஆகஸ்ட் மாதத்திற்கான சமையல் எரிவாயு சிலிண்டர் விலை 25 ரூபாய் உயர்த்தப்பட்டுள்ளது. தற்போது சென்னையில் ஒரு சிலிண்டர் 875 ரூபாய் 50 பைசாவிற்கு விற்பனை செய்யப்படுகிறது. இதே போல் வணிக பயன்பாட்டுக்கான சிலிண்டர் விலை 5 ரூபாய்  குறைந்து ஆயிரத்து 756க்கு வர்த்தகமாகிறது. கடந்த ஒன்றரை மாதத்திற்கு பின் எண்ணெய் நிறுவனங்கள் மீண்டும் சிலிண்டர் விலையை உயர்த்தியுள்ளன. இந்த விலை உயர்வு இல்லத்தரசிகள் இடையே மிகுந்த அதிருப்தியை ஏற்படுத்தியுள்ளது