ஸ்டாலின் முன்னிலையில் திமுகவில் இணைந்த அதிமுக, அமமுக நிர்வாகிகள்

ராமநாதபுரம், கன்னியாகுமரி உள்ளிட்ட ஏழு மாவட்டங்களை சேர்ந்த பிற கட்சியினர் தி.மு.கவில் இணைந்தனர். சென்னை தேனாம்பேட்டையில் உள்ள கட்சியின் தலைமை அலுவலகமான அண்ணா அறிவாலயத்தில் இந்த நிகழ்வு நடைபெற்றது. திமுக தலைவரும், முதலமைச்சருமான ஸ்டாலின் தலைமையில், முன்னாள் அமைச்சர் வ.து.நடராஜன் உள்பட 300க்கும் மேற்பட்ட அதிமுக, அமமுக உள்ளிட்ட கட்சி நிர்வாகிகள் திமுகவில் தங்களை இணைத்துக் கொண்டனர். 

புதிதாக இணைந்த மாற்று கட்சியினருக்கு புத்தகம் மற்றும் திமுக கரை வேட்டிகளை பரிசளித்த முதலமைச்சர் ஸ்டாலின், அவர்களுக்கு உறுப்பினர் அடையாள அட்டையை வழங்கினார்.