2-வது போக்சோ வழக்கில் சிவசங்கர் பாபா கைது - சிபிசிஐடி அதிரடி

சிறையில் இருக்கும் சிவசங்கர் பாபா, மேலும் ஒரு பாலியல் வழக்கில், போக்சோ சட்டத்தில் கைது செய்யப்பட்டுள்ளார். சென்னை அடுத்த கேளம்பாக்கத்தில் உள்ள சுஷில் ஹரி பள்ளியின் தாளாளர் சிவசங்கர் பாபா, மாணவிகளிடம் அத்துமீறிய விவகாரத்தில் போக்சோ சட்டத்தில் கைது செய்யப்பட்டு சிறையில் உள்ளார். அவரது சிஷ்ய வகையறாக்கள் பலர் முன்ஜாமின் பெற்றுள்ளனர். இந்த வழக்கின் விசாரணை நடைபெற்று வரும் நிலையில், மேலும் ஒரு மாணவி, சிவசங்கர் பாபா மீது பாலியல் புகார் அளித்தார்.  இதோடு சேர்த்து 3-வது வழக்கும் போக்சோ சட்டத்தில் பதிவு செய்யப்பட்டுள்ளது. 2-வது வழக்கில் முன்னாள் மாணவி ஒருவரை, சுற்றுலா அழைத்துச் செல்வதாக பாலியல் தொல்லை கொடுத்தது உறுதியானது. இதற்கு உடந்தையாக இருந்த சிஷ்ய கும்பல், 3-வது வழக்கில் கைது செய்யப்படலாம் என கூறப்படுகிறது. சிபிசிஐ​டியின்​ கிடுக்குப் பிடி விசாரணையால், சிவசங்கர் பாபா மீது குண்டர் சட்டம் பாயலாம் என்றும் கூறப்படுகிறது.