பெற்ற மகளை கர்ப்பமாக்கிய தந்தை - போக்சோ சட்டத்தில் கைது

பெரும்புலியூரில் விவசாய கூலி வேலை செய்யும் தொழிலாளி

கருப்பையன் என்பவருக்கு 4 மகள்கள், 2மகன்கள் உள்ளனர். 2 மகள்களுக்குத் திருமணம் ஆகிவிட்ட நிலையில், 2 மகன்கள் வெளி மாநிலத்தில் வேலை பார்த்து வருகின்றனர். 2 பெண் பிள்ளைகள் பெற்றோருடன் வசித்து வரும் நிலையில், அதில் 17 வயதே நிரம்பிய கருப்பையாவின் 5வது மகளுக்கு வயிற்று வலி ஏற்படவே மருத்துவமனையில் அனுமதித்துள்ளனர். பரிசோதனை செய்து பார்த்ததில் அவர் கர்ப்பமாக இருப்பது உறுதி செய்யப்படவே, போலீசார் நடத்திய விசாரணையில், இதற்குக் காரணம் தன் தந்தை கருப்பையாதான் என்று அப்பெண் வாக்குமூலம் அளித்துள்ளார். அதன் பேரில் கருப்பையா மீது வழக்குப்பதிவு செய்த போலீசார் அவரை போக்சோ சட்டத்தின் கீழ் கைது செய்தனர்.