அணில் விவகாரம் : செல்லூர் ராஜூவுக்கு, செந்தில்பாலாஜி பதிலடி.. தந்திடிவி செய்தியை சுட்டிக்காட்டி டுவிட்

 

மின்தடைக்கு அணில்கள் தான் காரணம் எனப் பேசிய அமைச்சர் செந்தில்பாலாஜிக்கு, நோபல் பரிசு வழங்க வேண்டும் என முன்னாள் அமைச்சர் செல்லூர் ராஜூ தெரிவித்திருந்தார். இதற்கு பதிலடி கொடுக்கும் விதமாக, மின்துறை அமைச்சர் செந்தில்பாலாஜி, டுவிட்டரில் செய்தி ஒன்றை பதிவிட்டுள்ளார். அதில், நாகையில், அணில் ஓடியதால் மின்கம்பிகள் உரசி விபத்து ஏற்பட்டிருப்பதாகவும், மின்கம்பியை சீரமைக்கும் பணியில் ஊழியர்கள் ஈடுபட்டிருப்பதாகவும், தந்தி டிவியில் வெளியான செய்தியை சுட்டிக்காட்டி உள்ளார். இந்த செய்தியை பார்த்த பின், முன்னாள் அமைச்சர் செல்லூர் ராஜூ நேரில் வந்து, மின் கம்பிகளை பிடித்து ஆய்வு செய்ய அழைப்பதாகவும், அந்தப் பதிவில் குறிப்பிட்டுள்ளார்.