டாஸ்மாக் மதுக்கடைகள் திறக்க அனுமதி - அரசியல் தலைவர்கள் கண்டனம்

ஊடரங்கு காலத்தில் மதுக்கடைகளை திறக்கக்கூடாது என, பாமக நிறுவனர் மருத்துவர் ராமதாஸ் வலியுறுத்தியுள்ளார். இது குறித்து அவர் வெளியிட்டுள்ள அறிக்கையில், மதுக்கடை திறப்பு என்பது, மக்கள் நலனுக்கு எதிரான நடவடிக்கை என்றும் கடுமையாக கண்டிக்கத்தக்கது என குறிப்பிட்டுள்ளார். கொரோனா தொற்று, குறைந்து வரும் நிலையில் மதுக்கடை திறப்பு, பரவல் அதிகரிப்புக்கு வழி வகுக்கும் என ராமதாஸ் கூறியுள்ளார். எனவே, தமிழ்நாட்டில் மதுக்கடைகளை திறக்கக் கூடாது என்றும் மதுவிலக்கை நடைமுறைப்படுத்த வேண்டும் என்றும் அவர் வலியுறுத்தியுள்ளார்.