மு.க.ஸ்டாலின் நல்லாட்சியை வழங்குவார் - விசிக தலைவர் திருமாவளவன் நம்பிக்கை

தமிழக முதலமைச்சர் மு.க. ஸ்டாலினின் முதல் ஐந்து அறிவிப்புகள், நாடு பாராட்டும் நல்லாட்சியை அவர் வழங்குவார் என்ற நம்பிக்கையை அளித்து இருப்பதாக விடுதலை சிறுத்தைகள் கட்சித் தலைவர் திருமாவளவன் கூறி உள்ளார். இது குறித்து அவர் வெளியிட்டுள்ள அறிக்கையில், வாக்குகளைப் பெறுவதற்காக மட்டும் வாக்குறுதிகளை தராமல், அவற்றை மு.க. ஸ்டாலின் நிறைவேற்றி இருப்பதாக கூறி உள்ளார். மு.க. ஸ்டாலின் பிறப்பித்துள்ள ஐந்து ஆணைகளும், தமிழகத்தில் நல்லாட்சி துவங்கிவிட்டது என்கிற நம்பிக்கையை மக்களுக்கு அளித்து இருப்பதாகவும் அவர் தெரிவித்து உள்ளார்.