தமிழகத்தின் உரிமைகளை பறிகொடுத்து விட்டனர்... திமுக தலைவர் ஸ்டாலின் குற்றச்சாட்டு

திருச்சி ஸ்ரீரங்கத்தில், திமுக மற்றும் கூட்டணி கட்சியின் 9 தொகுதி வேட்பாளர்களை ஆதரித்து திமுக தலைவர் ஸ்டாலின் பிரசாரம் மேற்கொண்டார். அப்போது பேசிய அவர், அனைத்து மதங்களின் மாண்புகளையும் பாதுகாப்பதே திமுகவின் கடமை என்றும், எந்த மதத்திற்கும் எதிரான கட்சி திமுக அல்ல என்றும் தெரிவித்தார். பிரதமர் மோடி ஏற்கனவே அறிவித்த திட்டங்கள் எதையும் நிறைவேற்றவில்லை என்ற அவர், மத்திய பாஜக அரசிடம் அதிமுக அரசு அடிமையாக உள்ளது என்றார். தமிழகத்தின் உரிமைகளை பறிகொடுத்து விட்டதாகவும் ஸ்டாலின் குற்றம்சாட்டினார்.