காவிரி ஆற்றில் நீச்சல் போட்டி -இளைஞர் மாயம்

கரூர் அருகே நண்பரின் திருமணத்திற்கு சென்ற இளைஞர் காவிரி ஆற்றில் குளித்த போது மாயமானார். தாந்தோன்றிமலையில் நடைபெற்ற நண்பரின் திருமணத்துக்கு மணவாடியை சேர்ந்த 26 வயது தினேஷ்குமார், தனது தம்பி மற்றும் நண்பர்கள் 6 பேருடன் சென்றுள்ளார்.பின்னர், வேலாயுதம்பாளையம் அருகே உள்ள தவிட்டுப்பாளையம் காவிரி ஆற்றில் குளிக்கச் சென்ற அவர்கள், நீச்சல் போட்டி நடத்தியுள்ளனர். தண்ணீரின் வேகம் தாங்க முடியாமல் கரையேறிய நிலையில், தினேஷ்குமார் மாயமானது தெரியவந்தது. தகவலின் பேரில் வந்த போலீஸ் மற்றும் தீயணைப்புத் துறையினர், புகழூர் வரை சுமார் 2 கிலோ மீட்டர் தூரத்திற்கு தேடினர். இதனிடையே இரவானதால் தேடுதலை நிறுத்தினர்.