4 மாதத்திற்கு பிறகு மதுரை மாட்டுத்தாவணி பூ மார்க்கெட் திறப்பு - வியாபாரிகள் மகிழ்ச்சி

ஊரடங்கால் நான்கு மாதங்களுக்குப் பிறகு மதுரை மாட்டுத்தாவணி பூ மார்க்கெட்டை திறக்க மாவட்ட ஆட்சியர் வினய் அனுமதித்துள்ளார்.  ஊரடங்கு விதிகளை முறையாக பின்பற்றுவதாக வியாபாரிகள் உறுதியளித்ததை தொடர்ந்து இந்த முடிவு எடுக்கப்பட்டதாக கூறப்படுகிறது. இதனை தொடந்து அதிகாலை 5 மணிக்கு பூ மார்க்கெட் திறக்கப்பட்ட நிலையில் முகக்கவசம் அணிந்தவர்களுக்கு மட்டுமே உள்ளே அனுமதி அளிக்கப்பட்டது. மேலும் சந்தைக்கு வருபவர்கள் அனைவருக்கும் வெப்ப பரிசோதனை செய்யப்பட்டது. மாலை 3 மணிவரை மட்டும் சந்தை செயல்படும்  எனவும் மொத்த வியாபாரம் மட்டும் நடைபெறும் என்றும் வியாபாரிகள் தெரிவித்துள்ளனர்