முழு ஊரடங்கு- வெறிச்சோடிய சாலைகள்

கன்னியாகுமரி மாவட்டத்தில் அனைத்து சாலைகளும் வெறிச்சோடி ஆட்கள் நடமாட்டம் இன்றி காணப்படுகின்றன. அவசர தேவை இல்லாமல் செல்லும் இருசக்கர, நான்கு சக்கர வாகனங்கள் காவல்துறையினரின் சோதனைக்கு உட்படுத்தப்பட்டு கண்காணிக்கப்பட்டு வருகிறது. 

திண்டுக்கல்லில் கடைகள் அடைக்கப் பட்டுள்ளன 

ஆட்டோ, டாக்சி ,மற்றும் கார், இருசக்கர வாகனங்கள் செல்ல  தடை விதிக்கப்பட்டுள்ளதால் சாலைகள் வெறிச்சோடின . காய்கறி சந்தை கடைவீதி மற்றும் இறைச்சி கடைகள்  மூடப்பட்டுள்ளன 

பொன்னேரி சுற்றுவட்டார இடங்களில் அனைத்து கடைகளும் முழுமையாக அடைக்கப்பட்டுள்ளன. இன்று . முகூர்த்த நாள் என்பதால் இ-பாஸ் பெற்று செல்லும் வாகனங்கள் அனுமதிக்கப்பட்டு வருகின்றன. வழக்கமாக அதிகளவு போக்குவரத்து  இருக்கும் சென்னை - கொல்கத்தா தேசிய நெடுஞ்சாலையிலும் வாகனங்கள் ஏதுமின்றி வெறிச்சோடி காணப்படுகிறது.

திருப்பத்தூர் மாவட்டம் வாணியம்பாடி மற்றும் ஆலங்காயம்  பகுதிகளில்  மருந்து மற்றும் பால் உள்ளிட்ட அத்தியாவசிய பொருட்கள் விற்பனை செய்யும் கடைகள் தவிர மற்ற அனைத்து கடைகளும் அடைக்கப்பட்டு முழு ஊரடங்கு கடைபிடிக்கப்பட்டு வருகிறது.. அத்தியாவசிய தேவையின்றி சுற்றித்திரிந்த இரு சக்கர வாகனங்களை போலீசார் பறிமுதல் செய்து அவர்கள் மீது வழக்குப்பதிவு செய்தனர்.