"+2 மாணவர்கள் 24ம் தேதி முதல் மறுகூட்டலுக்கு விண்ணப்பிக்கலாம்" - உரிய வசதிகளை ஏற்படுத்த தலைமை செயலர் உத்தரவு

பன்னிரண்டாம் வகுப்பு மாணவர்கள் மறுகூட்டல் மற்றும் விடைத்தாள் நகல் கோரி வரும் 24ம் தேதி முதல் 30ஆம் தேதி வரை விண்ணப்பிக்கலாம் என தேர்வுத்துறை அறிவித்துள்ளது. இதையடுத்து பள்ளிகளுக்கு வரும் மாணவர்களுக்கு தேவையான வசதிகளை செய்து தர வேண்டும் என்றும், ஆன்லைன் வசதியுடன் தனி அறை ஏற்படுத்தி தரவேண்டும் என்றும் தலைமை செயலாளர் சண்முகம் உத்தரவிட்டுள்ளார். மேலும் ஒரு மணி நேரத்துக்கு 20 மாணவர்களை மட்டுமே அனுமதிக்க வேண்டும் என கூறியுள்ள அவர், தனிமைப்படுத்தப்பட்ட பகுதிகளில் உள்ள மாணவர்கள், நிலைமை சீரான பின் சான்றிதழ்களை பெற்றுக்கொள்ளலாம் என்று தெரிவித்துள்ளார்.