காய்கறி வியாபாரியிடம் நூதன முறையில் மோசடி - தந்தை மகனுக்கு போலீஸ் வலைவீச்சு

தஞ்சாவூர் மாவட்டம் திருபுவனம் நுழைவாயில் அருகே காய்கறி வியாபாரம் செய்து வருபவர் அச்சுதானந்தம். இவரிடம் சமையல் ஆர்டர் ஒன்றிற்கு 20 கிலோ இஞ்சி, ஒரு மூட்டை பல்லாரியை தனது மகனுடன் வந்த ஒருவர் வழங்கியுள்ளார். மேலும், மற்றொரு கடையில் பூண்டு வாங்க அச்சுதானந்தனிடம் ஆயிரம் ரூபாய் பணத்தை வாங்கிய அந்த நபர், பொருட்களை வைத்துவிட்டு காசு எடுத்து வருவதாக கூறி, தனது மகனை கடையில் விட்டுச் சென்றுள்ளார். வெகுநேரமாகியும் அந்த நபர் திரும்பாத நிலையில், கடையில் மற்றவர்களுக்கு வியாபாரம் பார்த்துக் கொண்டிருந்த போது, சிறுவன் அங்கிருந்து மாயமாகியுள்ளான். இதையடுத்து தான் ஏமாந்து விட்டதை உணர்ந்த அச்சுதானந்தன் காவல்நிலையத்தில் இதுகுறித்து புகார் அளித்துள்ளார்.