திருட்டு காரில் வந்து டீசல் நிரப்பிய இருவர் - காரை மடக்கி பிடித்து போலீசார் விசாரணை

காஞ்சிபுரம் மாவட்டம், ஸ்ரீபெரும்புதூர் அருகே  திருட்டு காரில் வந்து டீசல் நிரப்பி கொண்டு பணம் தராமல் தப்பி சென்ற இருவரை போலீசார் கைது செய்தனர். தனியார் பெட்ரோல் பங்கில் ஆயிரத்து 800 ரூபாய்க்கு  டீசல் நிரப்பிய இருவரும் பணம் கொடுக்காமல்  காரை வேகமாக ஓட்டி சென்றனர். தகவலறிந்த போலீசார் காரை துரத்தி சென்று மடக்கி பிடித்து இருவரையும் கைது செய்தனர். அவர்கள் கூடுவாஞ்சேரியிலிருந்து காரை திருடி வந்தது தெரிய வந்துள்ளது. காரை பறிமுதல் செய்த போலீசார் தீவிர விசாரணை நடத்தி வருகின்றனர்.