குற்றவாளிகள் மூலம் தனிப்படையினருக்கு கொரோனா - அதிர்ச்சியில் காவல்துறை அதிகாரிகள்
சென்னையில் கொள்ளை குற்றவாளிகள் மூலம் தனிப்படை போலீசாருக்கு கொரோனா தொற்று பரவிய சம்பவம் காவல்துறையினர் மத்தியில் அதிர்ச்சியை ஏற்படுத்தியுள்ளது.
சென்னை வடபழனியில் உள்ள கடை ஒன்றின் பூட்டு உடைக்கப்பட்டு 10 சவரன் நகை கொள்ளை போன சம்பவத்தில் கொள்ளையர்களை தனிப்படை போலீசார் தேடி வந்தனர். இதனையடுத்து வண்ணாரப்பேட்டையில் பிடிபட்ட இரு கொள்ளையர்கள் நீதிமன்ற உத்தரவுபடி சிறையில் அடைக்கப்பட்டனர். அங்கு நடத்திய பரிசோதனையில் அவர்களுக்கு கொரோனா தொற்று உறுதியானது. உடனடியாக தனிப்படையினரை சோதனை செய்ததில் 6 பேருக்கு கொரோனா தொற்று இருப்பது கண்டுபிடிக்கப்பட்டது. இதனால் சென்னை போலீசார் அதிர்ச்சியில் ஆழ்ந்துள்ளனர்.
Next Story
