8-ம் தேதி முதல் கட்டுப்பாடுகளுடன் கோயில்கள் திறப்பு - திருநள்ளாறு சனீஸ்வர பகவான் கோவிலில் ஏற்பாடுகள் தீவிரம்

ஊரடங்கு உத்தரவு காரணமாக உலக பிரசித்தி பெற்ற திருநள்ளார் சனீஸ்வர பகவான் கோவில் கடந்த 70 நாட்களுக்கும் மேலாக மூடப்பட்டிருந்தது.  இந்நிலையில் வரும் 8-ம் தேதி முதல் பல்வேறு கட்டுப்பாடுடன் வழிபாட்டுத் தலங்கள் அனைத்தும் திறக்கப்பட உள்ளன. இதையடுத்து திருநள்ளாறு சனீஸ்வர பகவான் கோவிலில் பக்தர்கள் சமூக இடைவெளி விட்டு சுவாமி தரிசனம் செய்வதற்கான விரிவான ஏற்பாடுகள் செய்யப்பட்டு வருகின்றன. பக்தர்கள் வரிசையாக செல்ல தடுப்புகள் அமைக்கப்பட்டுள்ளது. கைகளை சுத்தம் செய்வதற்கு தானியங்கி கிருமி நாசினி இயந்திரமும் அங்கு தயார் நிலையில் வைக்கப்பட்டுள்ளன.