சிபிஎஸ்இ 12ஆம் வகுப்பு தேர்வு அட்டவணை வெளியீடு

நாடு முழுவதும் கொரோனா அச்சுறுத்தல் காரணமாக ஒத்திவைக்கப்பட்ட சிபிஎஸ்இ 12ஆம் வகுப்பு பொதுத் தேர்வுகளுக்கான புதிய அட்டவணை வெளியிடப்பட்டுள்ளது. இதன்படி 12ஆம் வகுப்பு தேர்வுகள் ஜூலை ஒன்றாம் தேதி துவ​ங்கி 15ஆம் தேதி வரை நடைபெற உள்ளது. கணிதம், வேதியியல், இயற்பியல், ஆங்கிலம், புவியியல் உள்ளிட்ட 23 பாடங்களுக்கு தேர்வு நடைபெறுகிறது. முன்னெச்சரிக்கை நடவடிக்கையாக தேர்வுக்கு வரும்  மாணவர்கள் சானிடைசர்கள் கொண்டு வரவும் முகத்தில் மாஸ்க் அணியவும் அறிவுறுத்தி உள்ள சிபிஎஸ்இ தேர்வு மையங்களில் மாணவர்கள் சமூக இடைவெளியுடன் அமர வைக்கப்படுவார்கள் என்று  தெரிவித்துள்ளது. சென்னை மண்டலத்தை பொறுத்தவரை பெரும்பாலான தேர்வுகள் முடிந்துவிட்டது குறிப்பிடத்தக்கது.