கடைவீதிகளில் அலைமோதிய மக்கள் கூட்டம் - காற்றில் பறந்த சமூக இடைவெளி உத்தரவு

புதுக்கோட்டையில்  சமூக இடைவெளியை கடைபிடிக்காமல் கூட்டம் கூட்டமாக பொதுக்கள் பொருட்களை வாங்குவதற்கு கடை வீதிகளில் குவிந்தனர். பலரும் முகக்கவசம் இன்றி வாகனங்களில் பயணித்தனர். கடைவீதிகளில் போக்குவரத்து நெரிசல் ஏற்பட்டதை தொடர்ந்து, சமூக இடைவெளியை கடைபிடிக்காமல் இருக்கும் வணிக நிறுவனங்களுக்கு சீல் வைக்கப்படும் என்று வருவாய் கோட்டாட்சியர் பாலதண்டாயுதபாணி ஒலிபெருக்கி மூலமாக எச்சரிக்கை விடுத்தார். மேலும் முகக்கவசம் இல்லாமல் வெளியே வந்தால் அபராதம் விதிக்கப்படும் எனவும் அவர் வலியுறுத்தினார்.