தமிழக அரசு ரூ.86 கோடி நிதி ஒதுக்கீடு - பல்வேறு நல வாரிய உறுப்பினர்களுக்கு வழங்க உத்தரவு

கொரோனா நிவாரண நிதியாக பல்வேறு நல வாரியங்களுக்கு 86 கோடி ரூபாய் நிதி ஒதுக்கீடு செய்து தமிழக அரசு உத்தரவிட்டுள்ளது. இதனை கொண்டு மீனவர், பட்டாசு தொழிலாளர்கள், சிறுவணிகர்கள், பூசாரிகள் , திரைத்துறையினர் , நரிக்குறவர்கள், காதி , திருநங்கைகள் மற்றும் பட்டியலின வகுப்பு நலவாரியங்களில் உறுப்பினர்களாக உள்ளவர்களுக்கு தலா ஆயிரம் ரூபாய் வழங்கப்படும் என்று தெரிவிக்கப்பட்டுள்ளது.

இதன் மூலம் 8 லட்சத்து 60 ஆயிரத்து 536 பேர் பலனடையவார்கள் எனவும் தமிழக அரசு வெளியிட்டுள்ள அரசாணையில் கூறப்பட்டுள்ளது.