மருத்துவக் குழுவுடன் செல்லும் போலீசாருக்கு பிரத்யேக கவச உடை

கொரோனா வைரஸ் பரிசோதனைக்காக செல்லும் மருத்துவ குழுவினருடன் பாதுகாப்பு பணியை மேற்கொள்ளும் காவலர்களுக்கு, பிரத்யேக கவச உடை வழங்கப்பட்டுள்ளது. சென்னையில் மட்டும் 3 ஆயிரம் பேர் வீட்டில் வைத்து தனிமைப்படுத்தப்பட்டிருப்பதாக சுகாதாரத்துறை தெரிவித்துள்ளது.  அவர்களை பரிசோதிக்க செல்லும் மருத்துவ குழுவோடு, பாதுகாப்பிற்கு போலீசாரும் செல்லவேண்டியுள்ளது. இதனால் அவர்களின் தற்காப்பிற்காக சென்னை காவல் துறையில் இந்த கவச உடை வழங்கப்பட்டுள்ளது. ஒவ்வொரு காவல் நிலையத்திற்கு 3 கவச உடை என,அனைத்து காவல் நிலையங்களுக்கும் வழங்கப்பட்டுள்ளது.