தனியார் மருத்துவமனைக்கு நிகராக அரசு மருத்துவமனை- சொந்த செலவில் புதுப்பித்த மருத்துவர், செவிலியர்கள்

தென்காசி மாவட்டம் கடையநல்லூர் அருகே உள்ள புளியங்குடியில், அரசு மருத்துவமனை உள்ளது. இங்கு பணிபுரியும் மருத்துவர் முத்துக்குமார் மற்றும் செவிலியர்கள் வசந்தா, கீதா ஆகியோர், தங்களது சொந்த செலவில், மருத்துவமனை கட்டிடங்களின் சுவர்கள் அனைத்திலும் திருக்குறளை எழுதி தனியார் மருத்துவமனைக்கு நிகராக மாற்றியுள்ளனர். 

மருத்துவமனை வளாகத்தினுள் நூலகம் ஒன்றையும் திறந்து வைத்த அவர்கள், நோயாளிகளுக்கு தேவையான அடிப்படை வசதிகளையும் செய்து வருகின்றனர். இந்த மருத்துவமனையில், தற்போது தினமும் புறநோயாளிகள் 800 முதல் 1000 பேர் வரை வருகின்றனர். எந்த வித நோய்களுக்கும் உடனடியாக தீர்வு காணப்படுவதாக தெரிவித்துள்ள மக்கள், மருத்துவர் மற்றும் செவிலியர்களுக்கு பாராட்டு தெரிவித்துள்ளனர்.