நூற்பாலையில் பயங்கர தீ விபத்து - பல கோடி மதிப்பிலான பொருள்கள் எரிந்து சேதம்

திருப்பூர் மாவட்டம், பூமலூரில் உள்ள நூற்பாலையில் பயங்கர தீ விபத்து ஏற்பட்டது. இதில் பல கோடி ரூபாய் மதிப்பிலான நூல் மூட்டைகள் மற்றும் இயந்திரங்கள் தீயில் எரிந்து கருகின. தகவலறிந்து வந்த தீயணைப்பு துறையினர் மூன்று மணி நேர போராட்டத்திற்கு பின்னர், தீயை அணைத்தனர். பஞ்சு அரவை இயந்திரத்தில் புகை வருவதை கண்ட பணியாளர்கள் உடனடியாக அங்கிருந்து வெளியேறியதால் உயிரிழப்பு தவிர்க்கப்பட்டது.