சீறிப்பாய்ந்த காளைகள் - மடக்கி பிடித்த வீரர்கள்

ஒசூர் அருகே அகலகோட்டை கிராமத்தில் ஸ்ரீமாதேஸ்வரசுவாமி கோயில் தேர்த்திருவிழாவை முன்னிட்டு எருதாட்டவிழா நடைபெற்றது. இதில், அலங்கரிக்கப்பட்ட 200-க்கும் மேற்பட்ட காளைகள் அவிழ்த்துவிடப்பட்டன. கூட்டத்தில் சீறிப்பாய்ந்த காளைகள் முட்டியதில் மாடுபிடி வீரர்கள் மற்றும் பொதுமக்கள் என 50-க்கும் மேற்பட்டோர் காயம் அடைந்தனர்.

வாணியம்பாடி அருகே கிரிசமுத்திரத்தில், காளியம்மன் திருவிழாவை முன்னிட்டு மஞ்சு விரட்டு போட்டி நடைப்பெற்றது. இதில், கிருஷ்ணகிரி, திருப்பத்தூர், திருவண்ணாமலை, உள்ளிட்ட மாவட்டங்களில் இருந்து 300-க்கும் மேற்பட்ட காளைகள் பங்கேற்றன. போட்டியின் இறுதியில், குறைவான நொடியில் இலக்கை கடந்த, 31 காளைகளுக்கு, பரிசுகள் வழங்கப்பட்டன. இதனை, பல்வேறு பகுதிகளில் இருந்து வந்த ஏராளமானோர் பார்த்து ரசித்தனர்.