பத்மஸ்ரீ டாக்டர் சிவந்தி ஆதித்தனார் மணிமண்டபம் திறப்பு விழா - வணிக சங்கங்களின் பேரமைப்பு சார்பில் சிறப்பு ஏற்பாடு

பத்மஸ்ரீ டாக்டர் சிவந்தி ஆதித்தனார் மணிமண்டபம் திறப்பு விழாவை முன்னிட்டு வணிக சங்கங்களின் பேரமைப்பின் சார்பில் சிறப்பு ஏற்பாடு செய்யப்பட உள்ளது. இதற்காக 600க்கும் மேற்பட்ட வணிக சங்கத்தை சேர்ந்தவர்கள் சிவந்தி ஆதித்தனாரின் உருவம் பொறித்த பனியன் மற்றும் தொப்பிகளை அணிந்து கொண்டு அணி திரண்டு வர உள்ளனர். இந்த நிகழ்வை முன்னிட்டு திருச்செந்தூர் காய்கறி மார்க்கெட்டுக்கு வரும் 22ஆம் தேதி விடுமுறை அளிக்கப்பட்டு வணிகர்கள் அனைவரும் நிகழ்வில் கலந்து கொள்ள ஏற்பாடு செய்யப்பட்டுள்ளதாக தெரிவிக்கப்பட்டுள்ளது.