குரூப்-2, குரூப்-4 தேர்வு முறைகேடு : "முறைகேடுகளில் ஈடுபட்டவர்கள் தலைமறைவு"

சங்கரன்கோவில் அருகே ஒரேவீட்டில் உள்ள உறுப்பினர்கள் அனைவரும் டிஎன்பிஎஸ்சி குரூப்-2, மற்றும் குரூப்-4 ஆகிய தேர்வு வழியாக பணியில் சேர்ந்துள்ளது அதிகாரிகள் மத்தியில் பெரும் சந்தேகத்தை கிளப்பியுள்ளது. இந்த நிலையில், கடையநல்லூர் மற்றும் அதன் சுற்றுவட்டார பகுதிகளை சேர்ந்த  60க்கும் அதிகமானோர் முறைகேடாக பணியில் சேர்ந்திருக்கலாம் என போலீசார் சந்தேகிக்கின்றனர். பத்து மற்றும் பண்ணிரெண்டாம் வகுப்புகளில் பலமுறை தேர்வு எழுதி தேர்ச்சி பெற்றவர்கள், எளிதாக டிஎன்பிஎஸ்சி தேர்வு மூலம் எப்படி அரசு பணியில் சேர்ந்துள்ளனர் என்று சமூக ஆர்வலர்கள் கேள்வி எழுப்பி வந்ததனர். இந்த நிலையில், அங்கு சிபிசிஐடி போலீசார் ரகசிய விசாரணையில் இறங்கியுள்ளதாக கூறப்படுகிறது. இதனையறிந்த பலரும் தலைமறைவாகியுள்ளதாக உளவுத்துறை வட்டாரங்கள் தெரிவிக்கின்றன.