"கையெழுத்து இயக்கம் மாபெரும் வெற்றி" - திமுக தலைவர் ஸ்டாலின்

இது குறித்து, அவர் தொண்டர்களுக்கு எழுதிய கடிதத்தில், தேர்தல் களமாக இருந்தாலும், கையெழுத்து இயக்கமாக இருந்தாலும், தமிழக மக்கள் தி.மு.க.விற்கு பேராதரவு அளித்து வருவதாக கூறியுள்ளார். இந்த ஆதரவை கண்டு, மத்திய-மாநில ஆட்சியாளர்கள் நடுங்குவதாகவும் தெரிவித்துள்ளார். இதனால் தான், கையெழுத்து இயக்கத்தை தடை செய்ய வேண்டும் என, மாநில அமைச்சர் விமர்சனம் செய்வதாக சுட்டிக்காட்டியுள்ளார். கூட்டணிக் கட்சித் தலைவர்களும், கட்சியினரும் உழைத்ததால் தான், கையெழுத்து இயக்கம், மக்கள் இயக்கமாக மாறி, புதிய வரலாற்றை படைத்துள்ளதாக கூறியுள்ளார். மக்களுக்கு எதிரான நாட்டை மத ரீதியாகத் துண்டாடும் சி.ஏ.ஏ உள்ளிட்டவற்றை எதிர்த்த திமுகவின் போராட்டம் தொடரும் என்றும் ஸ்டாலின் கூறியுள்ளார்.