அரசு பேருந்து - இருசக்கர வாகனம் மோதி விபத்து - பள்ளி மாணவி உயிரிழப்பு

நாகையில் அரசு பேருந்து மோதி பள்ளி மாணவி உயிரிழந்த சம்பவம் சோகத்தை ஏற்படுத்தியுள்ளது. வேளாங்கண்ணியை சேர்ந்த மதியழகன் மகள் மகரஜோதி, உறவினர் வீரமணியுடன் தெற்குப் பொய்கைநல்லூருக்கு இருசக்கர வாகனத்தில் சென்றுள்ளார். அப்போது, வேதாரண்யத்தில் இருந்து சென்னை நோக்கி சென்ற அரசு பேருந்து, சாலையை கடக்க முயன்ற இருசக்கர வாகனத்தின் மீது மோதியது. இந்த விபத்தில் மகரஜோதி மருத்துவமனைக்கு கொண்டு செல்லும் வழியில் உயிரிழந்தார். உறவினர் வீரமணி காயங்களுடன் உயிர் தப்பினார். விபத்து குறித்து வேளாங்கண்ணி போலீசார் விசாரணை நடத்தி வருகின்றனர்.