பொள்ளாச்சி: மீண்டும் தோட்டத்திற்குள் வலம் வந்த புலி - அச்சத்தில் உறைந்த அப்பகுதி விவசாயிகள்

பொள்ளாச்சி அருகே ஆடுகளை கொன்று, வந்த புலியின் வீடியோ வெளியிடப்பட்டுள்ளது. சர்க்கார்பதி பகுதியில் கடந்த சில நாட்களுக்கு முன், விவசாயி சங்கரின் தோட்டத்திற்குள் புகுந்த புலி ஒன்று, மாட்டுக் கொட்டகையில் கட்டி வைத்திருந்த, நான்கு ஆடுகள் மற்றும் ஒரு கன்று குட்டியையும் கடித்து கொன்றது. இதையடுத்து, அப்பகுதியில் கூண்டு அமைத்து, கண்காணிப்பு கேமிரா பொருத்தப்பட்டது. இந்நிலையில், மீண்டும் அங்கு வந்த புலி, கூண்டில் இருந்த இறைச்சியை உண்டு செல்லும் காட்சிகள், கண்காணிப்பு கேமராவில் பதிவாகியுள்ளது. இச்சம்பவத்தால், அப்பகுதி விவசாயிகள் மேலும் அச்சமடைந்துள்ளனர்.