டிஎன்பிஎஸ்சி குரூப் 1 தேர்வு வழக்கு - டிஎன்பிஎஸ்சி தலைவர் பதிலளிக்க உத்தரவு

திருமங்கலத்தை சேர்ந்த சக்திராவ் என்பவர் உயர்நீதிமன்ற மதுரை கிளையில் மனு ஒன்று தாக்கல் செய்திருந்தார். அதில், தமிழ் வழியில் பயின்று, முதல்நிலை தேர்வில் தேர்ச்சி பெற்ற தனக்கு, பிரதான தேர்வில் பங்கேற்க அழைப்பு வரவில்லை என கூறியிருந்தார். எனவே, குரூப்-1  தேர்வில், தமிழ் வழியில் முழு நேர வகுப்பில் தேர்வானவர்களுக்கு, பிரதான தேர்வுகளில் முன்னுரிமை வழங்க உத்தரவிட வேண்டும் என மனுவில் குறிப்பிட்டிருந்தார். இந்த வழக்கை விசாரித்த நீதிபதி எம்.எஸ்.ரமேஷ், டிஎன்பிஎஸ்சி தலைவர் பதிலளிக்க உத்தரவிட்டு விசாரணையை 4 வாரங்களுக்கு ஒத்திவைத்தார்.