அண்ணாவை சுற்றி கட்டப்பட்ட அதிமுக, திமுக கொடிகள்

அறிஞர் அண்ணாவின் 51ஆவது நினைவு நாள் தமிழகம் முழுவதும் அனுசரிக்கப்பட்டு வருகிறது. இந்நிலையில், நாகையில் உள்ள அண்ணா சிலையை சுற்றி அதிமுக மற்றும் திமுகவினர் தங்களது கட்சி கொடிகளை கட்டியதால், இரு தரப்பினருக்கும் மோதல் உருவாகும் சூழல் ஏற்பட்டது. இதையடுத்து அங்கு வந்த போலீசார் இரண்டு கட்சிகளின் கொடியையும் அகற்ற உத்தரவிட்டனர். இதை தொடர்ந்து அதிமுக மற்றும் திமுக கட்சி கொடிகள் அகற்றப்பட்டன.