அண்ணாவின் 51 வது நினைவு தினம் - உருவ சிலைக்கு திமுக, தேமுதிக, அமமுக கட்சியினர் அஞ்சலி

பேரறிஞர் அண்ணாவின் 51 வது நினைவு தினத்தை ஒட்டி அவரது சொந்த ஊரான காஞ்சிபுரத்தில் உருவ சிலைக்கு அரசு சார்பில் மாலை அணிவித்து மரியாதை செய்யப்பட்டது. அண்ணாவின் நினைவு இல்லத்தில் அமைச்சர் பா. பெஞ்சமின், மாவட்ட ஆட்சியர் பா.பொன்னையா, மற்றும் காஞ்சிபுரம் மாவட்ட மத்திய கூட்டுறவு வங்கி தலைவர் வாலாஜாபாத். பா கணேசன் மற்றும் அதிமுக நிர்வாகிகள் பங்கேற்று மலர் தூவி மரியாதை செலுத்தினர். திமுக சார்பில் மாவட்ட செயலாளர் க.சுந்தர் எம்.எல்.ஏ தலைமையில் காஞ்சிபுரம் எம்பி செல்வம்,திமுக மாணவரணி மாநில செயலாளர் எழிலரசன் எம்.எல்.ஏ மற்றும் ஏராளனமான திமுக நிர்வாகிகள் மலர்தூவி மாலை அணிவித்து மரியாதை செலுத்தினர்கள். இதே போல், அமமுக, மதிமுக, தேமுதிக உள்ளிட்ட கட்சிகளின் நிர்வாகிகளும் மாலை அணிவித்து மரியாதை செலுத்தினர்.