டிஎன்பிஎஸ்சி குரூப்-4 தேர்வு முறைகேடு விவகாரம் - சிக்குகிறது தூத்துக்குடி பயிற்சி மையம்?

தூத்துக்குடியில் இயங்கி வரும் ஐஏஎஸ் பயிற்சி மையத்திற்கு, குரூப்-4 தேர்வு முறைகேட்டில் முக்கிய பங்கு இருக்கலாம் என தகவல்கள் வெளியாகியுள்ளன. இந்த முறைகேட்டில் சிக்கியுள்ள நெல்லையை சேர்ந்த முத்துராமலிங்கம், ஐயப்பன் ஆகிய இருவரும் இந்த பயிற்சி மையத்தில் படித்தவர்கள் என்பது தெரியவந்துள்ளது. மேலும் ராமநாதபுரத்தில் இருந்து விடைத்தாள் கட்டுகளுடன் சென்னை வந்த வாகனங்களில், ஒன்று மட்டும் தாமதமாக வந்தது விசாரணையில் தெரிய வந்துள்ளது. இந்த சம்பவத்திற்கும், பயிற்சி மைய நிர்வாகிக்கும் தொடர்பு இருப்பதாக துறை வட்டாரங்கள் தெரிவிக்கின்றன. முக்கிய பயிற்சி நிறுவனங்களில் சிபிசிஐடி போலீசார் சோதனை நடத்தலாம் என தந்தி டிவியில் நேற்று செய்தி வெளியான நிலையில், தூத்துக்குடியில் உள்ள பயிற்சி மையம் முறைகேட்டில் சிக்கி இருப்பது குறிப்பிடத்தக்கது.